LTV_DUENDE_WR_2

Duende, dûnsje op it wetter

22 Oktober 1995

We sjogge by de tarieding fan dûnsgroep Duende fan Grietine Molenbuur dy't in koreografy betocht hat op in skip dêr't de groep mei troch Fryslân fart en de dûns opfiert. Se fertelt deroer en we sjogge by de repetysjes en de ombou fan it skip nei poadium.

LTV_MAKKERS_FAN_ABE_WR_2

De makkers fan teäterspektakel Abe

10 Septimber 1995

We sjogge by de tarieding fan it teäterspektakel 'Abe', fan Tryater oer fuotballeginde Abe Lenstra. It stik rekonstruearret de wedstriid út 1950 fan Hearrenfean-Ajax dy't de Friezen nei 1-5 achterstân úteinlik wûnen mei 6-5. En we sjogge Abe (spile troch ferskillende akteurs) op ferskillende leeftiden. Skriuwer, regisseur en spilers en fuotballers komme oan it wurd en we sjogge by de technyk, want it wurdt spile yn it Abe Lenstrastadion.

LTV_ARSJITEKTUER_2

Arsjitektuer: praatprogramma (diel 2)

18 Juny 1995

U.l.f. Geart de Vries prate trije minsken oer it grut tal oan it wetter boude rekreaasjewenten en bungalowparken yn Fryslân, lykas yn Earnewâld, Galamadammen en Eastmahorn. It binne Ypke Gietema, arsjitekt Sjoerd Ybema en bouwer Marcel Coltof.

LTV_ARSJITEKTUER_1

Arsjitektuer: praatprogramma (diel 1)

11 Juny 1995

Yn in skipswerf yn Snits prate trije minsken û.l.f. Geart de Vries oer arsjitektuer yn Fryslân, oer bedriuwsterreinen en kantoaren. It binne boargemaster Siebold Hartkamp, arsjitekt Rein Hofstra en bouwer Harmen Schroor.

LTV_ANARGISME_YN_APPELSKEA

Anargisme yn Appelskea

04 Juny 1995

Fan âldsher kamen de anargisten mei de pinksterdagen yn Appelskea by inoar. Yn 1933 wienen dat de Vrije Socialisten dy't anty-militaristysk wienen en gjin alkohol brûkten. No komme tal fan minsken noch nei de Pinksterlanddagen, se binne begien mei natuer en miljeu en noch altyd links yn tinken. Besikers fan no en earder fertelle deroer.

LTV_AKKE_EN_ESMEE_V2

Opera oer Esmée van Eeghen en portret fan Akke Radsma

21 Maaie 1995

Yn dit programma sjogge we earst by de repetysjes fan de opera Esmée dy't yn premjêre giet yn Carré op it Holland Festival. Jan Brokken skreau de tekst oer it libben fan de fersetsfrou dy't yn 1944 fusillearre waard. Ferskillende meiwurkers komme oan it wurd. Dêrnei folget in portret fan Akke Radsma dy't bekend waard mei har praatsjes 'Oer de hage' dy't wykliks op de Fryske radio te hearren wienen. De teksten waarden skreaun troch Paulus Akkerman. Se treedt noch altyd op mei in oade oan it eardere Winterjûnenocht.

LTV_WYNENERZJY

Wynenerzjy: diskusjeprogramma mei foar- en tsjinstanners

14 Maaie 1995

Diskusjeprogramma yn De Gekroonde Roskam yn Arum û.l.f. Gryt van Duinen oer wynenerzjy. Foar- en tsjinstanners komme oan it wurd oer dit alternatyf foar fossile brânstof. Yn de seal sitte boeren, omwenners, en minsken út de polityk.

LTV_SYKJEND_HARMEN_ABMA

Sykjend: portret fan keunstner Harmen Abma

07 Maaie 1995

Portret fan keunstner Harmen Abma. Hy begûn as hûsskilder mar folge letter de Vredeman de Vries-oplieding. Hy makke diel út fan de groep De Bende van de Blauwe Hand. Syn wurk is abstrakt, ynte op it lânskip, mei geometryske foarmen. Hy makke it earste abstrakte byld yn Fryslân, it stiet yn Weidum. Hy fertelt oer syn wurk en de ûntwikkeling dêryn.

LTV_PESK_PARAAT_EN_STARTKLAAR

PESK Paraat en startklaar

12 Maart 1995

Portret - mei soad argyfbyld - fan de seesleepboat Holland fan Skylge. Trije âld-meiwurkers fertelle oer har wurk en wat se meimakke ha op see. De Holland waard yn 1941 boud, mar yn 1943 torpedearre. It is letter wer boud en kaam by tal fan kalamiteiten yn aksje. Oer dy aventoeren binne films makke en boeken skreaun. Oarspronklik begûn rederij Doeksen mei it skip as skulpesûger en letter die it tsjinst as bergingsskip. Doe't dat net mear út koe, lei Rederij Doeksen him ta op feartsjinsten nei de eilannen en de Holland gie oer nei Rykswettersteat. No driget de sloop.

LTV_KOMMISSARIS_POLITIKA_BOADE

Kommissaris, politika, boade

05 Maart 1995

We sjogge achter de skermen by it wurk fan kommissaris fan de Keninginne Loek Hermans, deputearre Mony Brandsma-Ydema (CDA) en boade Pé Visser. Se fertelle oer har wurk en we sjogge ûnder oare by gearkomsten fan de Steaten yn it provinsjehûs.

LTV_30_MINUTEN_TSJERKE

30 Minuten tsjerke: petear tusken Aukje Elsinga en Pieter Boomsma

28 Maaie 1995

Dûmnys Aukje Elsinga en Pieter Boomsma prate mei inoar oer de tsjerke as ynstitút, it leauwe, en it Samen-op-Weg-proses.

LTV_30_MINUTEN_FRYSKE_EKONOMY

30 Minuten Fryske ekonomy: petear tusken Frans Steijvers en Willem Verf

26 Maart 1995

Petear tusken (ôfgeand) deputearre Frans Steijvers (PvdA) en steatelid (GrienLinks) en skriuwer Willem Verf oer de Fryske ekonomy. Se prate ûnder oare oer yndustryterreinen, kapitalistyske ekonomy en wurkgelegenheid.

Pages