Ympresje fan 'e offisjele iepening fan Simmer 2000, mei meiwurking fan Rients Gratama, Maaike Schuurmans, Piter Wilkens en De Kast yn bywêzen fan Kenigin Beatrix.
Slotkonsert Simmer 2000. Opnommen op 22 july 2000 yn it FEC yn Ljouwert. mei meiwurking fan De Kast, Rients Gratama, Piter Wilkens, Maaike Schuurmans, Albert Bonnema, Basic Bigband, De Bazuin en it NNO.
Fan desimber 2000 oant in wike foar de premjêre folge Omrop Fryslân de ûntwikkelingen om it teaterspektakel Ik, Kening Lear hinne. Fan de earste besprekkings en repetysjes ôf yn it Tryatergebou oant de úteinlike earste foarstelling yn it hynstesintrum yn Drachten. Yn dizze making-of, makke troch Fred Geerling, wurdt sjen litten hoe't artistyk lieder Jos Thie syn eigen ôfskiedsfoarstelling foarmjout.
Yn juny 2000 binne de tariedings fan alle aktiviteiten yn it ramt fan Simmer 2000 yn folle gong. We sjogge projektlieder Jaap Castelein, de Boonstra's út Aldeboarn dy't in reüny hâlde, tariedings foar it iepenloftspul yn Minnertsgea en in projekt troch seis byldzjend keunstners út Grins. Yn Minnertsgea binne se drok dwaande mei de opbou en de repetysjes foar it iepenloftspul Nylsk fan Hermana. Foar dat histoarysk epos wurdt in kastiel boud en ridderkostúms makke. Spilers oefenje mei hynderriden en swurdfjochtsjen.
Slotkonsert Simmer 2000. Opnommen op 22 july 2000 yn it FEC yn Ljouwert. mei meiwurking fan De Kast, Rients Gratama, Piter Wilkens, Maaike Schuurmans, Albert Bonnema, Basic Bigband, De Bazuin en it NNO.
Yn de 19de iuw waarden in soad oargels yn Fryslân boud, dy kamen yn de provinsje te stean, mar ek yn oare dielen fan it lân. Oargels ha ûnderhâld nedich en we sjogge by ferskillende aspekten fan dat proses, restauraasje fan pipen en houtwurk en it stimmen. Jan Jongepier is oargelist en hâldt him dwaande mei oargels as monumint. Hy hat noed oer de oargels as de tsjerken slute. We sjogge by ferskate oargels en bedriuwen dy't har dwaande hâlde mei reparaasje. It is dreech om nije minsken te krijen dy't it ambacht leare wolle.
It regear wol dat der mear biologysk buorke wurdt. We folgje twa biologyske boeren, se fertelle oer wat se tsjinkomme yn dat proses. Kees Timmers is bouboer yn Ingwierrum en Henk Hogendoorn is tsiisboer. Thom Krol hat in edukative pleats yn Droegeham. Ek in lânbou-ekonoom komt oan it wurd.
We sjogge by fjouwer ferskillende 'gongmakkers', útfiner, technysk ûntwerper, kreatyf techniker of toch in 'Willie Wortel'. Mei in technyske achtergrûn betinke se allerhanne saken dy't ek brûkt wurde yn de yndustry of soarch. Bearnd Hylkema hat in alternatyf foar de sweeftrein, Sjoerd Meijer betinkt oplossingen yn de meganika, Rien Poortvliet besiket aaien te sieden yn de magnetron en Libbe Jonkman ûntwerpt ynstruminten foar de soarch.
It Oera Linda Boek kaam yn 1867 foar it ljocht. Cornelis over de Linden hie it al generaasjes lang yn de famylje. Yn in lestich te lêzen hânskrift -sabeare Aldfrysk- soe it ferhaal oer de skiednis fan de Friezen gean fan 2000-50 foar Kristus. Yn 1870 waard it oanbean oan it Friesch Genootschap. Guon leauden dat it echt wie, oaren leauden dat net. Histoarikus Goffe Jensma der ûndersyk nei en neffens him hat Francois Haverschmidt, dûmny yn Foudgum it skreaun, mei yn it komplot Over de Linden en argivaris/bibliotekaris Eelco Verwijs.
Yn Oranjewâld wurde de lêste saken dien yn en by it nije Museum Belvédère, foar hjoeddeiske en 20ste iuwske keunst. Oprjochter Thom Mercuur liedt rûn en fertelt oer syn idee by de kolleksje. Arsjitekt Eerde Schippers leit út dat it museum dat oer wetter hinne boud is in ferbining leit mei it lânskip deromhinne.
Op âlde atlassen en kaarten, lykas de Schotanus-atlas fan 1718, fan Fryslân binne tal fan paden, fearten en brêgen te finen. Wat is dêr noch fan te finen yn it lânskip? Histoarikus en geograaf Meindert Schroor lit ferskillende paden sjen, lykas de holle wei by Bakkefean dy't yn de 14de/15de iuw diel útmakke fan de rûte tusken Grins en de Sudersee. De âlde karrespoaren binne noch altyd te sjen. By Keimpetille wie earder in brêge. Dy waard yn 1947 ferfongen troch in pont dy't der yn 1965 wer útgie.
De Ljouwerter band Road wie suksesfol yn de jierren santich. Har grutte hit wie The unchained melody. Se stienen sels yn TopPop en hienen in fanclub. Mei de leden (Hans Krakou, Arjen Kamminga, Frans van den Borg en Harry Kootstra) sjogge we werom op it begjin en it sukses en hoe't it no mei se is. Ek plateprodusint Wobbe van Seijen komt oan it wurd en pophistoarikus Beart Oosterhaven. Op in jûn fan Stappers van Toen ropt de plaat in soad oantinkens op.
We folgje trije Fryske muzikanten dy't letterlik yn it skaad stean. Se begeliede artysten of sitte yn de band dy't de muzyk fan de musical fersoarget. Peter van der Zwaag begeliedt tal fan artysten op it Amsterdams Kleinkunst Festival. Hy tinkt net oan wat er spilet mar hâldt it totaalprodukt foar eagen. Sybolt Kamstra wurket as drummer by Van den Ende, hy sit by de musical Mamma Mia yn de orkestbak, ûnder it toaniel. En pianiste Clara Rullmann wie earder 10 jier ferbûn oan it Jorwerter iepenloftspul, no begeliedt se de musical Alleen op de wereld.
We sjogge by de tariedingen en repetysjes fan de moderne opera oer Bonifatius dy't yn 754 by Dokkum fermoarde waard. Annet Andriesen is de producer, Henk Alkema de komponist en Peter te Nuyl de regisseur en librettist.
Gerrit de Wilde komt fan Beverwijk mar wennet al jierren yn Makkum. Hy makket in ferskaat oan keunst en skriuwt ek. Hy hat gjin boadskip, mar kwetsberheid en agresje komme geregeld werom yn syn wurk. We sjogge him oan it wurk yn syn atelier, by syn selsboude motor en syn wurken. Hy fertelt oer syn libben en ynspiraasje, syn leafde foar de see en kikkerts.
Johan Veenstra skriuwt yn syn memmetaal, it Stellingwarfs. Dêr fertelt er oer en we sjogge him op paad as ferhaleferteller, by de Fryske Krite yn Amersfoort. Jierren hie er de kollum 'Stikelstokkies' en dy sprekt er yn foar in cd. We sjogge by syn âlderlik hûs yn Nijeholtpea en hy fertelt oer syn wurk en libben en de noed oer it ferdwinen fan syn taal. Keramist Peter Hiemstra hat kontakt mei de skriuwer om't er it Stellingwarfs ek yn syn wurk brûke wol.
Hieltyd minder kij stean yn it lân. We hearre de foars en tsjins neffens fjouwer boeren: twa biologyske boeren dy't de kij weidzje litte en twa boeren dy't de kij op stâl hâlde. Ferskillende redenen spylje in rol: emoasje, jild, sûnens. Ek komt in gerslansaakkundige oan it wurd dy't ûndersyk dien hat nei de soarten gers en wat dat mei de molke docht. En we sjogge in keunstskilder dy't kij yn de greide skilderet.