Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_Hylke-Speerstra-oer-it-heidenskip_WR

'Achter santjin hikken' - Hylke Speerstra en It Heidenskip

04 Juny 2006

Skriuwer Hylke Speerstra fertelt oer It Heidenskip, de skiednis, de minsken, yn syn Achter santjin hikken. Hy sjocht by de Hofmarpleats, repetysjes fan it teaterspektakel dat fan de tekst makke is. Ynwenners fan it doarp komme oan it wurd. Mei 375 ynwenners dy't ferspraat oer in gebiet sa grut as Ljouwert wenje, mei oeral wetter om har hinne, is it in isolearre mar hechte mienskip. De âld-sjoernalist en âld-haadredakteur oerleit mei skriuwer Geert Mak oer syn skriuwen.
180918_SADWAANDE_11_02_1998_FERBETTERE.mp4

Sadwaande: klaverblêd Hearrenfean, Fryske ekonomy, ljochtterapy

11 Febrewaris 1998

Sadwaande is in programma dat him rjochtet op de ekonomy en bedriuwen. Nije fakatueres, ûndernimmers fan it jier en wa is de bêste kollega, in hiel soad ûnderwerpen komme foarby yn dit programma. Dizze kear sjogge we by it wurk oan it klaverblêd by It Hearrenfean dat de rotonde ferfangt en de trochstreaming ferbetteret. We sjogge by Anneke Zondervan dy't har winterdepresje bestriidt mei ljochtterapy en psychiater Titus van Oss leit dat út. Deputearre Gerard van Klaveren fertelt wat de provinsje docht op it mêd fan ekonomy en behâld fan natuer.
Brekking: mei in aaisiker op paad

Brekking: mei in aaisiker op paad

25 Maart 2003

Aaisiker Hyltsje Brink siket aaien ûnder suver subtropyske omstannichheden. It liket miskien moai waar om ljipaaien te sykjen, mar de echte kenners witte dat troch de droechte de ljippen minder aaien lizze.