Foarútblik op de njoggende edysje fan Wâldrock: 9.000 rockfans wurde ferwachte op it grutste rockspektakel fan it noarden by Burgum. In ferdûbeling fan it tal taskôgers, yn fergeliking mei ferline jier. En dat hat neffens de organisaasje alles te krijen mei it programma. De earste leafhawwers fan metalrock sloegen middeis harren tinten al op, op de ymprovisearre kamping by it festivalterrein. De fans komme út Dútslân, Ingelân en Frankryk en fierders út hiel Nederlân. Op dit poadium sille tsien bands optrede, foar in útferkocht hûs.