Weromrop.frl - útstjoerings

Op 3 juny 1999 wie by De Pleats yn Burgum de premjêre fan it iepenloftspul Macky M.

Dizze ôflevering út 2005 fan it kultuerprogramma Spegels stiet yn it ramt fan de iepenloftspullen Hair fan Dronryp, Odyssee fan Easterwierrum, Eije Wiekstra fan De Harkema en Puntila fan Burgum.

Yn ien fan de âldste útstjoeringen fan Hea! sjogge we yn de âlde bankklûs dêr't de gemeente Ljouwert har 'gevonden voorwerpen' bewarret. Yn de rubyk sûvenir giet it oer it bysûndere wetter dat Irene Overduin fan fakânsje meinaam foar har soan Tom. En Erik Snel sammelet filmapparatuer.

Portret fan akteur Rense Westra. Hy fertelt oer syn alkoholisme, jierren by Tryater en syn bernejierren. We sjogge him oan it wurk by opnamen fan de telefyzjesearje Westenwind en by repetysjes fan amateurtoaniel. Westra spile ek yn films, De fûke en De Gouden Swipe fan regisseur Steven de Jong dy't ek oan it wurd komt.

Fryslân ken neist twa regionale deiblêden tal fan streekblêden. Guon binne opkocht troch de Friese Pers, oaren bestean noch altyd. We sjogge op de redaksjes fan de Nieuwe Ooststellingwerver, Actief en Harlinger Courant en prate mei de meiwurkers oer de ynhâld, abonnees en de takomst. It nijs op lokaal nivo, sport, famyljeberjochten, polityk en ferieningslibben makket de ynhâld fan belang foar de lêzers. We sjogge ek by de drukker en op de redaksje fan it Groninger Dagblad.