LTV_KEUNSTNERS_OP_PELGRIMAAZJE_180600_WR

Keunstners op pilgrimaazje

18 Juny 2000

Yn oanrin nei de grutte Friezereüny fan Simmer 2000 is it foar it Frysk Festival it projekt Pylgers nei Fryslân betocht, mei as tema pilgrimaazje: 'mei de holle yn de wolken en de fuotten op ierde'. Byldzjend keunstners makken wurk yn gearwurking mei in oare dissipline. We folgje in pear projekten. Byldzjend keunstner Gerrit Terpstra makket mei musikus Klaas Hoek wynfangers yn it lân by de Hemdyk.

LTV_FRYSKE_SUVELKOOPERAASJES_210500_WR

Fryske suvelkoöperaasjes: no sil de bûter jild jilde

21 Maaie 2000

Hie Fryslân earder 150 suvelfabriken, de earste wie yn 1879 yn Feanwâlden, no binne der noch twa grutte suvelkonserns, wêrfan Friesland Coberco Dairy Foods mei 16.000 boeren as oandielhâlder. Yn de rin fan de tiid moasten tal fan suvelfabriken slute en kamen skaalfergrutting en fúzjes op. Eardere direkteuren, melkfeehâlders en wurknimmers fertelle oer de skiednis en de feroaringen. Ek is in soad argyfbyld te sjen.

LTV_IN_YID_YN_FRYSLAN_070500_WR

In Yid yn Fryslân, in Fries yn Israel

07 Maaie 2000

We sjogge by de Joadske mienskip yn Ljouwert, fiering fan Pesach en Poerimfeest. En hearre fan Benno Troostwijk oer de skiednis, fan de Joadske skoalle en synagoge. Ies de Vries emigrearre út Fryslân nei Israel en fertelt oer syn libben dêr, as Joad fielt er him dêr thús. Ek sjogge we by in Joadsk begraafplak by Teakesyl en wat der oan argyf te finen is by it Ryksargyf en sjogge we by izerhannel Cohen, oprjochte yn 1868. Skriuwer Rink van der Velde fertelt oer syn tiid yn de kibboets. Syn dochter Wytske wennet dêr no.

LTV_SUNDER_MIS_SNITSER_KANTORIJ_230400_WR

Sûnder mis: Fryske fariant fan de roomske mis

23 April 2000

Dirigint Bob Pruiksma betocht it plan om foar de teksten fan de mis yn de roomske tsjerke Fryske teksten meitsje te litten. Ferskate dichters wurken deroan mei, wêrûnder Berber van der Geest dy't deroer fertelt. De Snitser Kantorij sjongt de lieten yn de Sint Martinustsjerke yn Snits.

LTV_KEN_U_ZELVEN_020400_WR

Ken U Zelven, oer de lôzje fan de frijmitselers yn Snits

02 April 2000

Programma oer de frijmitselerij, we sjogge by de lôzje yn Snits. Leden fertelle oer har lidmaatskip, we sjogge by in byienkomst en hearre mear oer de skiednis, symboalen en rituelen fan dit genoatskip dat leden helpt by it sykjen nei wierheid. Inkeld mannen kinne lid wurde, se wurde ynwijd.

LTV_STIK_FOAR_STIK_LEAVE_BERN_190300_WR

Stik foar stik leave bern

19 Maart 2000

We sjogge by skoalmienskip Piter Jelles yn Ljouwert dêr't in skoalagint oer syn wurk fertelt. Nei oanlieding fan de dea fan Meindert Tjoelker is in plan makke om it geweld yn de stêd werom te bringen. In lytse groep jeugd fertoant net winske gedrach en dêr wurdt op ynset. Pedagooch Lauk Woltring ûndersiket jeugdgedrach en Buro Halt begeliedt jongeren.

LTV_POSITYF_BUORKJE_120300_WR

Posityf buorkje

12 Maart 2000

Biologysk buorkje komt mear en mear foar. We sjogge by feehâlder Lieuwe Meekma en by bouboer Elias van der Werf. Beide leverje produkten ôf mei it eko-keurmerk. Ek sjogge we by de natuerwinkel en by Odin dy't fan allerhanne produsinten wykliks biologyske griente- en fruittassen makket en oan abonneminthâlders leveret.

LTV_IT_LAN_SAKKET_050300_WR

It lân sakket; oer de gefolgen fan de boaiemdelgong

05 Maart 2000

Programma oer boaiemdelgong; we sjogge by minsken yn Grou, Boazum en Pitersbierrum dy't skea hawwe oan har huzen, der binne skuorren en fersakkingen. Tal fan saakkundigen komme oan it wurd: wurdt de delgong feroarsake troch gas- en sâltwinning of net? De bedriuwen (Elf Petroland, NAM en Frima) sizze dat de skea troch oare oarsaken ûntstean kin, oaren betwivelje dat. Ek de polityk komt oan it wurd.

LTV_LAN_FAN_DOARPEN_160100_WR

Lân fan doarpen, de films fan J.W.L. Adolfs

16 Jannewaris 2000

Johan Adolfs út Enschede makke tusken 1948 en1970 in hiel soad Fryske doarpsfilms. Syn widdo fertelt oer de wurkwize en ek de widdo fan de twadde kameraman komt oan it wurd. Mar we sjogge foaral opnamen fan in grut ferskaat oan doarpen, bewenners, skoallen, middenstanners en ferieningen. Troch de yndustrialisaasje lutsen minsken mear nei de stêd en sa hie Adolfs in feroarjend doarpslibben fêstlein. By in fertoaning yn Berltsum ropt de film 37 jier letter in soad oantinkens op.

LTV_FEIKE_BOSCHMA_141199_WR

Dûnsjend mei syn skaad: poppespiler Feike Boschma

14 Novimber 1999

Poppespiler Feike Boschma fertelt oer syn wurk. In doaze mei lapen op souder wie it begjin fan syn fassinaasje foar poppen. Mei minimale middels wit er in soad te sizzen, op in keunstsinnige wize en dat hege nivo hat er al 50 jier. We sjogge him oan it wurk en by de opbou nei in foarstelling. Ek oare poppespilers komme oan it wurd.

LTV_MANAGER_OF_KOMELKER_311099_WR_MV2

Manager of komelker

31 Oktober 1999

Boeren stean foar in dilemma no't de molkprizen leger binne, se moatte mear melke mar de nije mestwet skriuwt krekt minder kij de hektare foar. Moatte se ynvestearje of goedkeaper produsearje? Yn dit programma sjogge we twa typen boeren: de manager en de komelker. Rinse Strikwerda hat goed buorke en wennet yn Switserlân. As hobby hat er in modern en effisjint melkfeebedriuw yn Wytmarsum mei 700 kij en de allernijste technyske helpmiddels. Rudie Abma hat mei syn frou Niesje 40 kij yn Nijhuzum. Hy hat net it nijste fan it nijste, de kij binne heal om heal bûten yn de saneamde iepenfrontstâl.

LTV_THUS_EN_UNWENNICH_031099_WR

Thús en ûnwennich!?

03 Oktober 1999

Yn dit programma folgje we trije Friezen dy't allegear tsien jier lyn nei Amearika emigrearren. Advokaat Bart Stapert helpt yn Orleans de befolking mei rjochtsbystân en striidt foar de ôfskaffing fan de deastraf. Gosse Damstra wennet mei syn famylje yn de buert fan Dallas, hy hat in melkfeebedriuw, Damstra Dairy. En Welmoed Laanstra wennet yn New York. Earder wie se huoddemakker en wurke se by it moadehûs DKNY, no sit se yn de keunsthannel. We sjogge hoe't harren libben derútsjocht en se fertelle wat Fryslân en it Fries wêzen foar harren betsjut.

Pages