Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_REBOELJE_090599_WR

Reboelje, freonen yn de muzyk

09 Maaie 1999

Reboelje is in Frysktalige popgroep, se besteane sûnt 1987. Rommert Reitsma, Durk Hogendorp, Tsjerk Bootsma, Marius de Boer en Tiede Lanting fertelle oer it begjin en de muzyk. We sjogge tal fan optredens. Oaren komme oan it wurd oer de band lykas Eric Ennema, Beart Oosterhaven, Henk Westbroek en âld-manager Bert de Vries. De muzyk wurdt omskreaun as serieus en teatraal en de band siket ek nei nije mooglikheden om mei oare keunstfoarmen te wurkjen.

ABD-sjoo 0304

ABD-sjoo 0304

09 Desimber 2003

Yn de fjirde ôflevering fan it tredde seizoen ABD-sjoo nimme de basisskoallen It Partoer út Burgum en De Barte út Drachten it tsjin inoar op. Yn de filmkes sjogge we by in dowehâlder yn Twizelerheide. Te gast is Richard Mastenbroek, hy hat skorpioenen by him. Presintaasje is yn hannen fan Sjonny Eagle (Jan Arendz).

Sjoch mar: Grutte Pierrace

Sjoch mar: Grutte Pierrace

27 Oktober 1997

De Grutte Pier race is in sylwedstryd fan 50 kilometer. De dielnimmers begjinne yn Boalsert, dan fia Harns en Frentsjer wer nei Boalsert. Arjen de Boer docht mei, mar hâldt er it wol fol?