Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_DISKODOARP_241196_WR

Diskodoarp Berltsum

24 Novimber 1996

We sjogge yn Berltsum, in doarp mei trije tsjerken en twa diskoteken. Alle sneontejûnen komme der sa'n 2.000 jongeren nei diskoteek Hof van Holland. Twa stappers komme oan it wurd, de meiwurkers en ek de plysje dy't wolris optrede moat. In part fan de jeugd giet net nei de disko mar nei de bibeljûn fan tsjerke, ek dy komme oan it wurd.

De Nije Moanne: Hearrenfean boppe

De Nije Moanne: Hearrenfean boppe

07 Oktober 1990

Programma oer fuotbalklup SC Hearrenfean, dy krekt nei de earedifyzje promovearre is. Dêrfoar moast de klup oan allerhanne strange easken foldwaan, lykas in feilichheidskoai foar útsupporters. We sjogge by de training mei coach Fritz Korbach. Foarsitter Riemer van der Velde komt oan it wurd, we sjogge hoe't it klupblêd It Pompebledsje stensile wurdt en by de wedstriid tsjin PSV. Kin Hearrenfean de earedifyzje oan of is it better om te fusearjen mei Cambuur?

Hjoed: alderearste útstjoering

Hjoed: alderearste útstjoering

04 Febrewaris 1994

Omrop Fryslân begûn yn 1994 mei regionale telefyzje. De allerearste útstjoering wie op 4 febrewaris, presintearre troch Dieuwke Kroese. Dêryn sit in reportaazje oer de komst fan it sâltfabryk Frima yn Harns dat wurk biede sil oan 60 minsken. By Winaam sit in soad sâlt yn de grûn dêr't boarre wurdt. Ek is in ferslach fan de nijbou fan it Abe Lenstra stadion op It Hearrenfean. Dêrfan is it heechste punt berikt. De fuotbalklup wol mei in publyksaksje in diel fan it jild ophelje by de fans. Op de beurs BOOT yn Ljouwert is te sjen dat de animo foar boaten en it wurk op de werven wer tanimt.