Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

Fryslân Dwerstroch 0103: Wetter Lege Midden

Fryslân Dwerstroch 0103: Wetter Lege Midden

15 Novimber 1996

Fryslân Dwerstroch is in programma fan skoaltelefyzje. Karin de Jong rint dwerstroch de provinsje, fan noardeast nei súdwest. Yn diel trije rint se troch it Lege Midden, it gebiet dat leger leit as de rest fan de provinsje. Der is in soad wetter, marren en puollen mei diken deromhinne om drûge fuotten te hâlden. It Woudagemaal pompt it wetter fuort. Se giet yn op de skiednis fan de turfwinning, is by de Alde Feanen en sjocht by it suverjen fan wetter by de wetterlieding.
Sybe Satellyt 0107

Sybe Satellyt 0107

07 Maaie 1991

Sybe Satellyt is in edukatyf berneprogramma fan skoaltelefyzje. Utfiner Sybe kin mei syn apparaten lykas de tiidmasine en skoop oer de hiele wrâld sjen. Hy sjocht by it ôfbrekken fan âld-suvelfabryk Freia yn Feanwâlden. It fabryk wurdt nij opboud yn it iepenloftmuseum yn Arnhem. Ek sjocht er by de bern fan De Wikel yn Burgum dy't proefkes dogge en sjocht er by it asfaltearjen fan de nije dyk tusken Grou en Ljouwert. En Chris Waalen fan Natuurmuseum Fryslân fertelt hoe't er it skelet fan in earder oanspielde potfisk yn elkoar set.
LTV_DICHTERS

Fryske dichters om utens

11 Desimber 1994

Yn dit programma komme trije Fryske dichters om utens oan it wurd, se prate oer it Frysk, oer har wurk en wat har dwaande hâldt. Cor van der Wal komt fan Ljouwert en wennet yn Grins, foar syn bondel út 1991 krige er de debutantepriis. Hy skriuwt benammen nachts, is ynteressearre yn astrology en mei graach yn it kafee sitte. Feyo Schelto baron Sixma van Heemstra wennet yn Loosduinen by Den Haag, it Frysk hat er fan hûs meikrigen. Hy wie inisjatyfnimmer fan Operaasje Fers en wurke by tydskrift Quatrebras. Syn roman 'Leafdedea' út 1963 publisearre er ûnder pseudonym Homme Eernstma.