Weromrop.frl - útstjoerings

It vmbo-ûnderwiis stiet swier ûnder druk. Sawat 15 persint fan alle learlingen ferlit de skoalle sûnder diploma. Dochs binne der ek skoallen der't it oars is, lykas de Maritime Akademy yn Harns. Omrop Fryslân folge learlingen Ynse Leenstra, Jan Steenstra, Jard Jissink en Marjoke van Es 24 oeren lang.

Dokumintêre oer Titus Brandsma (1881-1942). Hy wie pater by de karmeliten, heechlearaar, publisist en fersetsstrider. Hy waard ombrocht yn in konsintraasjekamp. Gryt van Duinen prate û.o. mei Ton Crijnen dy't in boek oer Titus Brandsma skreau. Yn 2022 waard Brandsma hillich ferklearre.

Earste diel fan in twalûk út 2008 oer de gefolgen fan de klimaatferoarings. Wat is nedich om yn Fryslân ek yn de takomst drûge fuotten te hâlden? Hoefolle moatte de seediken ferhege wurde en wat is nedich om de Fryske boezem 'klimaatproof' te meitsjen?

Programmamakker Henk te Biesebeek sketst yn dizze dokumintêre út 2008 in portret fan detektiveskriuwer Havank, dy't yn 1904 berne waard yn Ljouwert as Hans van der Kallen. Syn boeken yn de Zwarte Beertjes-sery, mei De Schaduw as haadpersoan, wiene in grut sukses. Nei syn dea yn 1964 hat skriuwer/sjoernalist Pieter Terpstra syn skriuwen oernaam en trochset, sa binne der noch 24 boekjes útbrocht. Dêrnei wie it dien, it ferkocht net mear, it wie te wollich en te âlderwetsk. Utjouwerij Bruna hie it idee om De Schaduw noch in kear ta libben te bringen yn in nij boek.

De ierappel hat him sûnt de yntroduksje yn 'e 16e iuw yn Europa ûntwikkele ta it fjirde lânbougewaaks; nei weet, rys en mais. De ierappel waard rûn 1536 meinommen fan Súd-Amearika nei Spanje. De doku giet yn op de histoarje, de feredeling en de ekonomyske wearde fan de ierappel.