Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_DISKODOARP_241196_WR

Diskodoarp Berltsum

24 Novimber 1996

We sjogge yn Berltsum, in doarp mei trije tsjerken en twa diskoteken. Alle sneontejûnen komme der sa'n 2.000 jongeren nei diskoteek Hof van Holland. Twa stappers komme oan it wurd, de meiwurkers en ek de plysje dy't wolris optrede moat. In part fan de jeugd giet net nei de disko mar nei de bibeljûn fan tsjerke, ek dy komme oan it wurd.

LTV_DE_SJONGENDE_STRAFPLEITERS

De sjongende strafpleiters

08 Jannewaris 1995

In portret fan de eigensinnige twillingbruorren Hans en Wim Anker, fan Akkrum. Se binne beide advokaat en binne lanlik bekend troch ûnder oare de ferdigening fan Ferdi E. Se prate oer har wurk en prinsipes, sa as dat se elke fertochte bystean wolle. We sjogge se oan it wurk yn de rjochtbank, yn petear mei kliïnten, mar ek by it útoefenjen fan de hobby's lykas sjonge yn de kroech, slingeraap en sealfuotbal. Se binne altyd ûnderweis, is it net nei in kliïnt dêr't se faak ek nei de útspraak kontakt mei hâlde, dan wol nei in lêzing organisearre troch de Vrouwenbond.

LTV_FRYSLAN_2020

Hoe sjocht Fryslân der yn 2020 út?

24 April 1994

Yn dit programma sjogge we - mei it each op de ferkiezingen - foarút nei Fryslân 2020. Skriuwer en sjoernalist Geert Mak hat noed oer de takomst fan de provinsje. Mei tal fan pommeranten prate se ûnder oare oer lânbou, ekonomy, wurkgelegenheid, kultuer, natuer en identiteit.