Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

MYNDOMYN_051005_BRUINSMA

Myn Domyn: Teätermakker Durk Bruinsma

05 Oktober 2005

Durk Bruinsma wennet yn Kollumersweach en is 19 jier. Syn grutte dream is om in ferneamd top-teäterprodusint te wurden. Hy is al goed seis jier dwaande mei it meitsjen fan in musical yn de Feankleaster bosk. It ferhaal fan dizze Verborgen Legende hat er sels skreaun. Yn de simmer fan 2006 giet it yn premjêre. De regy-oplieding yn Amsterdam dy't er dwaan wol, is foar minsken âlder as 21 jier. Dêrom is er no earst oan 'e slach gien yn de hoareka. Dêrnjonken set er al syn tiid yn syn passy teäter. De realisaasje fan syn dream giet somtiden dreech en is ôfhinklik fan allerhanne minsken.
De sniestoarm fan 1979

De sniestoarm fan 1979

15 Febrewaris 2004

“It wiene fantastyske dagen troch de waarmte, solidariteit en de manier wêrop we funksjonearre koene. It wiene hiele moaie dagen,” sei Gryt van Duinen yn de dokumintêre oer de sniestoarm fan 1979. Net elkenien hie dizze gefoelens by de stoarm. Yn in koarte tiid wie it iepenbiere libben yn Fryslân folslein fersteurd en tal fan doarpen en stêden wiene dagenlang fan de bûtenwrâld ôfsletten. Dit soarge foar in spannende wike yn Fryslân mei tûzenen ferhalen dy’t fia Radio Fryslân de hiele wike útstjoerd waarden.
Sybe Satellyt 0303

Sybe Satellyt 0303

10 Novimber 1992

Sybe Satellyt is in edukatyf berneprogramma fan skoaltelefyzje. Utfiner Sybe kin mei syn apparaten lykas de tiidmasine en skoop oer de hiele wrâld sjen. Sybe fynt út hoe't molke yn fabriken ferwurke wurdt ta ûnder oaren tsiis. Hy sjocht by it fabryk yn Warkum. De bern fan de kristlike basisskoalle De Regenboog yn Wikel ha in fervekakker makke. En wat sit der yn de braakballen fan in ûle? Johan Fokkema fan it Natuermuseum jout útlis. En Cees Ras fertelt oer sike beammen troch soere rein.