Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.
Yn dizze taalkwis giet it tusken Johannes Kramer, foarsitter fan de FNP-steatefraksje, en Corlienke de Jong fan Jutryp; en Sietske Inberg, âld-D66-fraksjefoarsitter yn de gemeente Ljouwert, en Hans Weijer fan Bovensmilde.
Dizze Sadwaande giet oer de buertskoalle yn de Ljouwerter Frijheidswyk. It is net echt in skoalle, mar in projekt dêr't ferskate partijen yn gearwurkje lykas skoallen, plysje en de byb om bern mear kânsen te jaan. We prate dêroer mei de projektlieder en fansels mei de bern dy't dûnsles krije en knutselje. Troch de skoalle is der minder fandalisme yn de wyk. Prinses op learzens wurdt fandalistysk.
Slotkonsert Simmer 2000. Opnommen op 22 july 2000 yn it FEC yn Ljouwert. mei meiwurking fan De Kast, Rients Gratama, Piter Wilkens, Maaike Schuurmans, Albert Bonnema, Basic Bigband, De Bazuin en it NNO.
'Tenminste houdbaar tot' is de namme fan in teäterfoarstelling mei Leny Dijkstra en Lianne Zandstra, skreaun troch Leo Dijkstra. We sjogge Leny en Lianne by de repetysje en tariedingen foar it stik en ek fragminten út de foarstelling. En beide fertelle se oer it stik en teäter. Ek Leo Dijkstra komt oan it wurd.
'Tenminste houdbaar tot' is de namme fan in teäterfoarstelling mei Leny Dijkstra en Lianne Zandstra, skreaun troch Leo Dijkstra. We sjogge Leny en Lianne by de repetysje en tariedingen foar it stik en ek fragminten út de foarstelling. En beide fertelle se oer it stik en teäter. Ek Leo Dijkstra en regisseur Janneke Bergsma komme oan it wurd. Leny is de dochter fan Tetman de Vries, dêr is wat argyf fan te sjen.
Theun de Vries (berne yn 1907) fertelt oer syn wurk en ynspiraasje. Hy wennet sûnt syn 30ste yn Amsterdam, mar Fryslân en foaral ek syn berteplak Feanwâlden komme altyd werom yn syn mânske produksje. Nei syn 90ste skreau er noch 3 romans en ek skriuwt er noch gedichten. Hy fertelt oer syn leafde foar skiednis, sagen en mearkes en oer Wilt Tjaarda, syn alter ego. "Skriuwen is myn libbenslok" seit er tsjin ynterviewer Geart de Vries.
Prof.dr.ir. Pier Vellinga is klimaatdeskundige. We folgje him yn syn wurk, by in konferinsje yn Den Haag, by lessen oan studinten yn Amsterdam, yn petear mei kommissaris Nijpels, by in telefyzje-optreden by Barend&Witteman en by syn broer op de pleats yn Nijlân. Hy hat noed oer de opwaarming fan de ierde en de tanimmende oerstreamingen. Om minder fossile brânstoffen te brûken moatte we mear wyn- en sinne-enerzjy opwekke seit er en sjen nei biogas.
Yn dizze dokumintêre út april 2001 wurdt Joop Atsma folge, dy't him doe as twaddekeamerlid foar it CDA ynspande foar oplossingen yn de tongblierkrisis dy't dan spilet.
It twadde diel fan it kultuerprogramma Spegels út 2005 oer iepenloftspullen mei Spul om neat fan Ysbrechtum, Lucky Manuelo fan Wergea, De wraak fan it wrâldwiif fan It Bildt en Hurd om hut fan Jobbegea.
In programma oer de begjinjierren fan it iepenloftspul fan Jorwert mei Gais Meinsma, dy't meidie oan it earste iepenloftspul en dêrnei fyftich jier lang ferantwurdlik wie foar alle mooglike omballingen, en dûmny Verstoep, ien fan de inisjatyfnimmers en de earste regisseur. Ek is te sjen hoe't de produksje fan 2003, Ik wol spylje!, ta stân komt. En Hanneke Roelofsen makke mei alle ynwenners fan Jorwert in monumint dêr't in foardrager op stiet.
Piter Boersma bewurke it boek en toanielstik Les jeux sont faits fan Jean-Paul Sartre ta it stik Kearewear, dat yn 1997 opfierd waard as it iepenloftspul fan Wergea.