Weromrop.frl - útstjoerings

Wolkom op weromrop.frl, de argyfwebside fan Omrop Fryslân. Besjoch hjir in seleksje út de earste tweintich jier Fryske telefyzje, fan 1985 oant en mei 2005.

LTV_Drents-Friese-Wold_doku_WR

It bosk is fan ús allegear - oer it Drents Friese Wold

18 Septimber 2005

Yn Nasjonaal Park Drents Friese Wold wurde tal fan beammen kapt om sa mear fariaasje te krijen. It gebiet bestiet út 4.000 bunder bosk, der is heide en it woestyngebiet Keale Dunen. It kappen troch Steatsboskbehear ropt heftige reaksjes op. Der wurde ynformaasjejûnen belein foar omwenners en der wurdt in aksjegroep oprjochte dy't yn de supermerk mei ynformaasje stiet. Earder is de wetterhúshâlding yn it gebiet mei it Beekdal al opknapt. It Nasjonale Park smyt mear bekendheid op wat goed foar de rekreaasjesektor, lykas de camping, is.
Nij yn Fryslân 1

Nij yn Fryslân 1

21 Desimber 1994

Programma dêr't we de famylje Peters yn folgje: heit Johan, mem Alies en 9-jierrige soan Kobus. Se ferhúzje nei Fryslân en komme yn de kunde mei de provinsje en de Fryske taal. Liefke Knol presintearret (yn it Nederlânsk) it programma en jout ynformaasje oer de Fryske taal, wurden en útspraak. Yn dizze ôflevering komme oan de oarder: begroetsje (yn de Afûk-boekhannel), wat bestelle (yn de Koperen Tún) en nei in hûs sjen by in makeler.
Spegels: Peer Gynt fan Tryater

Spegels: Peer Gynt fan Tryater

11 Juny 1999

It kultuerprogramma Spegels fan 11 juny 1999 stiet folslein yn it ramt fan it stik Peer Gynt dat Tryater op it Skylger festival Oerol spilet. We sjogge achter de skermen by de lêste tariedingen en repetysjes fan dit klassike toanielstik dat oarspronklik skreaun is troch de Noar Ibsen. Yn it stik giet Peer op syk nei himsels. Om't it in stik op lokaasje is, in hiel grutte sânflakte op Skylge, bringt de produksje nochal wat útdagingen mei, it is in soarte fan ekspedysje. Akteurs moatte einen troch sân en dunen klauterje, dat komt bot op de spieren oan.