LTV_De-Missy-fan-Jan-Douwe_doku_WR

De missy fan Jan Douwe van der Ploeg

30 Oktober 2005

Jan Douwe van der Ploeg is heechlearaar oan de universiteit fan Wageningen. Hy pleitet foar mear lânskipsbehear en it minderjen fan de lânbousubsydzjes.

LTV_Wieringerma_WR

De Wieringermar ûnder wetter

04 Maaie 2008

Dokumintêre oer it ûnder wetter setten fan De Wieringermar troch de Dútsers op 17 april 1945. Foar de pioniers wie 17 april in ôfgryslike klap. Foar de twadde kear moasten se de polder wer opbouwe. De skiednis wurdt ferteld troch bern fan doe: Tjeerd Veenstra, Broer Holtrop, Tine Viersen, Cees Meeuwsen en Sytse Faber.

LTV_WR_Sumati-Arya

Mear as ien libben: in portret fan Sumati Arya

06 Maart 2005

Sumati Arya is de boeddhistyske namme fan Maria Toren. Se siet 12 jier yn in kleaster yn Yndia en kaam fanwegen har sûnens werom nei Fryslân. Yn Ferwert hat se in eigen alter en libbet neffens it boeddhisme. Se fertelt oer har libben, har stúdzje (oan de Agogyske Akademy) en wurk (taalûntwikkeling) en de karren dy't se makke. Ek lit se de Stoepa yn Hantum sjen, de Tibetaansk boeddhistyske timpel.

LTV_WR_Portret-Ger-Harmsen

Tsjin de stream: portret fan Ger Harmsen (1922-2005)

01 Maaie 2005

De Amsterdamske timmermanssoan Ger Harmsen wenne sûnt ein jierren sechtich yn De Knipe, yn in pleatske dat er 'De Weegbree' neamde. De kenner fan de arbeidersbeweging, sosjale skiednis en grut leafhawwer fan natuer hie dêr in grutte biblioteek. In dei foar't de opnamen foar de dokumintêre begûnen, kaam Harmsen te ferstjerren. Hy wie 82 jier. Ferskate minsken komme oan it wurd oer de alsidige persoan Harmsen en syn betsjutting op allerhanne mêd. Dat giet fan moassen oant fakbûn en fan lânarbeider Imke Klaver oant Karl Marx. Yn argyfbylden komt Harmsen sels ek oan it wurd.

LTV_Trije_oersetters

De oersetters: Klaas Bruinsma, Eric Hoekstra en Piet Brouwer

23 Jannewaris 2005

Portret fan trije oersetters dy't klassikers út de wrâldliteratuer nei it Frysk oersette. Klaas Bruinsma set in hiel soad oer, no is er dwaande mei wurk fan de Grykske skriuwer Homerus. Eric Hoekstra set wurk oer fan filosoof Friedrich Nietzsche en Piet Brouwer hat de Divina Commedia: de godlike komeedzje oerset fan Dante Aligieri. Se fertelle oer har wurk en driuwfear. Ek útjouwers Steven Sterk en Louw Dijkstra komme oan it wurd.

LTV_WR_RK-Parochy-Burgum

'Heb uw naaste lief'; oer de RK parochy yn Burgum

27 Maart 2005

Programma oer de skiednis fan de roomske parochy yn Burgum. Nei't der jild ynsammele wie, koe yn de fyftiger jierren in eigen gebou boud wurde. Tal fan parochianen komme oan it wurd, en we sjogge by ferskate fieringen. Bewenners fan it asylsikerssintrum komme ek yn de tsjerke en bringe har eigen taal mei.

LTV_WR_Omke-Jan

Omke Jan (film)

26 Juny 2005

Film mei it ferhaal fan de 85-jierige Jan Mosterman fan Hollum (It Amelân) dy't siik is en in ein oan syn libben meitsje wol. Syn famylje komt om ôfskied te nimmen. Yn de film wurdt spile troch Romke de Leeuw, Tamara Schoppert, Geert Lageveen, Hilbert Dijkstra, Henk Zwart, Joop Wittermans, Nynke Laverman, Ria Marks, Aly Bruinsma en Pieter de Vries.

LTV_WR_Portret-dumny-Bottenbley

It teäter fan de Hear: oer de Betheltsjerke en dûmny Bottenbley

10 April 2005

Portret fan dûmny Orlando Bottenbley en syn baptistegemeente De Betheltsjerke yn Drachten. Trije kear sneins sitte der sa'n 2.000 minsken yn de tsjerke dy't gebrûk makket fan moderne techniken en popmuzyk. We sjogge by de (doop)tsjinst, mar ek achter de skermen: fan de parkearwacht oant de technyk en fan it koar oant de bernetsjinst. Bottenbley fertelt wêrom't syn tsjinten safolle mooglik minsken oansprekke. Tal fan leauwigen fertelle wat har sa yn de tsjinsten oansprekt.

LTV_WR_It-Ljouwerter-Saailan

It Ljouwerter Saailân

17 April 2005

It Saailân yn Ljouwert is net moai, rommelich en ek net iens in plein. Mei it plan Nieuw Zaailand wol de gemeente dêr feroaring yn bringe. It moat alluere krije. Arsjitekt Hubert Jan Henket hat dêr wol in idee foar: mei it legaat fan 18 miljoen dat Abe Bonnema achterliet, wol er op it plein in nij Fries Museum bouwe. Ek moat der in 'wand' komme oan de sydkant fan it plein mei winkels en wenningen. By ferskate partijen lykas ûndernimmers en politisy is der noed oft it wol helber is.

LTV_WR_Ik-kin-hast-alles-oer-handikapte-minsk

Ik kin hast alles...

20 Maart 2005

Yn it programma folgje we trije minsken fan tritich dy't wurkje en libje mei harren handicap. Nynke van der Kooi is blyn. Se wennet yn Frjentsjer en is ta har spyt wurkleas nei't in kontrakt ôfrûn wie, mar har dagen binne goed fol mei fan alles. Sander Gangabisoensingh hat gjin earmen. Hy wennet op It Hearrenfean en wurket as DTP-er en webdesigner by in reklameburo. Hy docht alles op de kompjûter mei syn fuotten. Cees Roest wennet yn Sigerswâld en is nei in dwerslesy diels ferlamme. Hy wurket by in leanbedriuw. We sjogge de trije haadrolspilers yn har wurk, thús en ûnderweis.

LTV_WR_Ekspedysje-Spitsbergen

Ekspedysje Spitsbergen: walfiskfarders en wittenskippers op de Noardpoal

13 Febrewaris 2005

De Fries Louwrens Hacquebord docht al 25 jier ûndersyk op Spitsbergen, flakby de Noardpoal. De heechlearaar fan de Rijksuniversiteit Groningen is dêr oait begûn mei de opgraving fan it legindaryske walfiskfangstation Smeerenburg. Willem Barentsz fan Skylge fear yn 1596 nei de Noardpoal, op wei nei Azië en ûntduts as earste it nije lân dat er Spitsbergen neamde. Hy oerwintere op Nova Zembla en oerlibbe dat net. We sjogge de heechlearaar mei syn team de tariedingen dwaan foar it ûndersyk op Hornsund, lykas it keapjen fan in gewear tsjin de iisbearen.

LTV_WR_Eise-Eisinga

Eise Eisinga: it fenomeen fan Frjentsjer

15 Maaie 2005

Dramatisearre ferhaal oer it libben en wurk fan Eise Eisinga (1744-1828) en syn planetarium yn Frjentsjer. Eise waard berne yn Dronryp as soan fan in wolkjimmer, hy waard letter sels ek wolkjimmer. Om't er goed leare koe (fral rekkenjen) folge er lessen oan de Frjentsjer Akademy. Nei't in dûmny út Boazum foarsei dat de wrâld yn 1774 fergean soe as gefolch fan in bepaalde stân fan de planeten, betocht Eisinga om in bewegend planetarium te bouwen om sjen te litten dat dat net sa wie. Op it plafond fan de wenkeamer skildere er it hielal en de oerwurken boude er op souder.

Pages