LTV_De-keunst-fan-it-ambacht_WR

De keunst fan it ambacht

24 July 2008

We sjogge by trije keunstners dy't ambachtlik wurkje. Marcel van Berkel (Skylge) is houtkeunstner, Peter Hiemstra (Aldeberkeap) is keramist en Jan Kerkstra en Marion Pannekoek (Wynjewâld) meitsje sieraden. Se fertelle oer har libben en de passy foar wat se meitsje, de ynspiraasje en driuwfear en we sjogge fansels yn de ateliers.

LTV_De-fergetten-koker_WR

De fergetten koker

25 Maaie 2008

Yn it depot fûn it Fries Museum in bysûndere Japanske lakkoker út de 17de iuw. Hy wie fan Hendrick van Buijtenhem, opperhaad fan de VOC-fêstiging op it Japanske hannelseilân Deshima. De koker is beskildere en der sieten dokuminten yn fan Van Buijtenhem. We dûke yn de skiednis fan de man en de koker. It ferhaal begjint yn Fogelsanghstate yn Feankleaster, earder in úthôf fan it museum.

WOW220306

Wyn op Woansdei: Plomfeehâlders en hinnen

22 Maart 2006

In programma út 2006 oer de gefolgen fan in driigjende fûgelgryp foar hinneboeren, hinnefangers en hinneslachters. Programmamakker Albert Jensma gie mei in ploech hinnefangers op paad en frege oft se har ek soargen meitsje oer de fûgelgryp. De hinnen dy't de Harekiten fange, geane nei hinneslachterij Frisia yn Haulerwyk om ferwurke te wurden. Wat dogge de mannen fan Frisia om it firus bûten de doar te hâlden? Hinnefokker Piet Faber fan Nijeberkeap kriget al pikefel as hy in keppel guozzen fleanen sjocht.

LTV_Takomst-fan-de-romte-2_WR

De takomst fan de romte (diel 2)

04 Maart 2007

Yn dit twadde diel geane de listlûkers fan de beide grutste partijen yn de Fryske Steaten oan de hân fan in tal stellingen yn debat oer de takomst fan de Fryske romte: Anita Andriesen fan de PvdA en Sjoerd Galema fan it CDA oer wenningbou, yndustrialisaasje, diken en natuer en lânskip.

LTV_Takomst-fan-de-romte-1_WR

De takomst fan de romte (diel 1)

25 Febrewaris 2007

Hoe wurdt omgien mei de romte yn Fryslân? Mei it each op de Steateferkiezings 2007 sjogge we hoe't in nij provinsjaal bestjoer fierder moat mei wenningbou, de oanlis fan bedriuwsterreinen en diken. Yn dit earste diel omtinken foar in tal romtlike knyppunten en lânskiplike bedrigingen. Ferskate saakkundigen komme oan it wurd lykas planologen en demografen.

LTV_Sykje-om-suverheid-Pier-Pander-1864-1919_WR

Sykje om suverheid: portret fan byldhouwer Pier Pander

03 Juny 2007

Dokumintêre oer it libben fan keunstner en byldhouwer Pier Pander (1864-1919). Mei Pander-biograaf Marcel Broersma sykje we nei syn spoaren: it skip dêr't er op berne waard yn it Drachtster Bûtenstfallaat, syn stúdzje yn Parys en wurkplak yn Rome. Ek kaam er yn De Knipe en seach wurken fan Jan Mankes. Bylden fan Pander stean yn de timpel by de Ljouwerter Prinsetún. Museum Smallingerland hat betiid wurk yn de kolleksje, ek sketsen.

LTV_Reve-yn-Fryslan-3-Bijna-gelukkig_WR

Reve yn Fryslân (diel 3): Bijna gelukkig

14 Jannewaris 2007

De skriuwer Gerard Reve wenne fan 1964 oant 1971 yn Greonterp. Hy skreau dêr it brieveboek Nader tot U, dat yn it Dútsk oerset waard en Reve bekearde him ta it roomsk-katolisisme. Roomsk geastlike Antoine Bodar is fan fan it wurk fan Reve. Hendrik Algra moast neat fan Reve hawwe om syn blasfemy en skriuwen oer homoseksualiteit. Dochter Hetty Runia-Algra fertelt deroer. Kunde sjogge werom op de tiid dat Reve yn Fryslân wenne en ek syn partners Willem van Albada (Teigetje) en Henk van Manen (Woelrat) komme oan it wurd.

LTV_Portret-Wout-Zijlstra-20-08-2009_WR

Portret fan Wout Zijlstra: 'Sin en wille kinne in protte tille'

18 Novimber 2007

Portret Wout Zijlstra, ien fan de sterke manlju fan Fryslân. We folgje him nei Callander, foar de Highland Games yn Skotlân. Hy fertelt (yn kilt) hoe't er by de sport kaam en wêrom't de Highland Games foar him sa bysûnder binne. En we binne by him thús yn Folsgeare dêr't er yn de skuorre traine kin en trainingen jout. Hy lit al syn prizen sjen.

LTV_Portret-Roger-Raveel_WR

Portret fan Roger Raveel: 'Nu weet je niets meer, nu ken je niets meer, je gaat kijken'

04 Novimber 2007

Portret fan Roger Raveel, Belgyske keunstner, en syn eksposysje yn Museum Belvédère yn Oranjewâld. Thom Mercuur siket Raveel op yn Oostende (België) om wurken foar de tentoanstelling út te sykjen. Raveel (1921) fertelt oer syn libben en wurk. In freon en biograaf sketse syn wurk en betsjutting.

LTV_Portret-Henk-Kroes_WR

Alles foar Fryslân: weromsjen mei Henk Kroes

09 Desimber 2007

We sjogge mei Henk Kroes werom op de ferskillende funksjes dy't er dien hat mei argyfbylden dêr't er wat by fertelt. Hy waard berne yn Terkaple en groeide op, by en mei it wetter. Hy die de TU yn Delft en kaam by Provinsjale Wettersteat te wurkjen. Dêrnei wie Kroes wie 25 jier direkteur fan It Fryske Gea, yn dy tiid wie it bouwen fan It Wiid by Earnewâld in 'hot item'. Fansels is Kroes bekend fan de Alvestêdetocht, mar hy wie ek foarsitter fan de grutte Friezen-reüny Simmer 2000. En foar it goede doel hat er in hiel soad fytst, sa as nei Gana.

LTV_Portret-Corina-van-Eijk_WR

It Verona fan Corina fan Eijk

30 Desimber 2007

Portret fan operaregisseur Corina van Eijk en de opera (yn de greide) fan Spangea. We folgje Van Eijk by de repetysjes foar de operafilm Samson en Delila en se fertelt oer har leafde foar opera dy't se fan hûs út meikrigen hat. Sjongers fertelle oer de bysûndere manier fan wurkjen yn de tinte. Ek binne fragminten te sjen fan eardere útfieringen.

LTV_Paulus-Folkertsma-in-ynbannich-komponist_WR

Paulus Folkertsma: in ynbannich komponist

14 Oktober 2007

Paulus Folkertsma (1901-1972) wie ien fan de produktyfste en belangrykste komponisten fan Fryslân. In beskieden minsk dy't mear as hûndert stikken skreaun hat. Folkertsma waard berne yn Wommels, groeide op yn Berltsum en wenne syn libben lang yn Aldeboarn dêr't er ûnderwizer wie. Syn frou en fjouwer bern sjogge werom op syn libben en hoe't er wie. Muzykkenners komme oan it wurd oer syn wurk en we hearre ferskate wurken, lykas in opera dy't er yn 1944 skreau. Op argyfbyld út 1967 komt Folkertsma sels ek oan it wurd.

Pages