Dizze ôflevering út 2005 fan it kultuerprogramma Spegels stiet yn it ramt fan de iepenloftspullen Hair fan Dronryp, Odyssee fan Easterwierrum, Eije Wiekstra fan De Harkema en Puntila fan Burgum.
Yn ien fan de âldste útstjoeringen fan Hea! sjogge we yn de âlde bankklûs dêr't de gemeente Ljouwert har 'gevonden voorwerpen' bewarret. Yn de rubyk sûvenir giet it oer it bysûndere wetter dat Irene Overduin fan fakânsje meinaam foar har soan Tom. En Erik Snel sammelet filmapparatuer.
Ljouwert hat trije hegeskoallen: CHN, NHL en Van Hall. Mar Ljouwert is lanlik net echt bekend is hbo-stêd. Op de foarljochtingsdagen docht bliken dat oankommende studinten net goed witte wat se fan Ljouwert ferwachtsje kinne. Bestjoerders fan de hegeskoallen komme oan it wurd, mar ek studinten. Dy fertelle oer har oplieding en it studintelibben.
Portret fan akteur Rense Westra. Hy fertelt oer syn alkoholisme, jierren by Tryater en syn bernejierren. We sjogge him oan it wurk by opnamen fan de telefyzjesearje Westenwind en by repetysjes fan amateurtoaniel. Westra spile ek yn films, De fûke en De Gouden Swipe fan regisseur Steven de Jong dy't ek oan it wurd komt.
Portret fan de produktive dichter Harmen Wind yn syn wenplak Doesburg. Hy fertelt oer syn libben en wurk, hy skriuwt yn it Frysk en Nederlânsk. Ek skriuwt er romans.
Fryslân ken neist twa regionale deiblêden tal fan streekblêden. Guon binne opkocht troch de Friese Pers, oaren bestean noch altyd. We sjogge op de redaksjes fan de Nieuwe Ooststellingwerver, Actief en Harlinger Courant en prate mei de meiwurkers oer de ynhâld, abonnees en de takomst. It nijs op lokaal nivo, sport, famyljeberjochten, polityk en ferieningslibben makket de ynhâld fan belang foar de lêzers. We sjogge ek by de drukker en op de redaksje fan it Groninger Dagblad.
We sjogge by in pear yn Koudum dat in duorsum hûs bout fan strie, by útfiner Pieter de Bruin dy't in 'Waddenwoning' bouwe wol en fan glês bakstien makket en we sjogge yn de Drachtster wyk Morrapark dêr't duorsum boude hûzen stean. Fryslân rint wat achter op it mêd fan duorsum bouwe, it soe djoerder wêze, mar dat is net sa, seit de adviseur.
We sjogge by it wurk fan in loads, hy helpt in Ingelsk baggerskip feilich de haven fan Harns binnenfarren. It loadswêzen stiet foar in feroaring, de minister wol tenei skippen oant 100 meter frij stelle fan de loadsferplichting. Tal fan partijen komme oan it wurd oer de foar- en neidielen. Guon ha noed oer de feilichheid. Ek sjogge we yn de haven fan Rotterdam.
De lêste kompetysjewedstryd yn de tredde klasse amateurfuotbal wie yn 1998 in echte kreaker. De hiele kompetysje gie it al tusken de nûmer 1 en de nûmer 2: De Lauwers en Oostergo. Op 2 maaie 1998 moast útmakke wurde wa't rjochtstreeks promovearje soe nei de twadde klasse.